С П О Г О Д Б И
Владата на Република Македонија, Сојузот на синдикатите на Македонија и Стопанската комора на Македонија, на ден 30.12.1996 година, склучија
СПОГОДАБА
ЗА ФОРМИРАЊЕ ЕКОНОМСКО-СОЦИЈАЛЕН СОВЕТ
Општи одредби
Член 1
Владата на Република Македонија, Сојузот на синдикатите на Македонија и Стопанската комора на Македонија, со цел за остварување на темелните вредности на Уставот на Република Македонија за демократска и социјална дражава и обезбедување социјална правда, за похармоничен развој на општествените процеси, за унапредување на социјалниот дијалог, трипартизмот и примената на меѓународните конвенции и препораки, формираат Економско-социјален совет (во натамошниот текст Советот).
Член 2
Со оваа спободба се уредуваат функциите, составот и начинот на работа на Советот.
Функции на Советот
Член 3
Советот има советодавно-консултативна функција преку која се одвива социјалниот дијалог и значаен дел од преговарачката функција на социјалните партнери за економско-социјалните прашања кои се од интерес на Рублика Македонија.
Согласно овие функции, Советот разгледува прашања и дава мислења, предлози и препораки за одредени прашања во областа на:
- економската политика и мерките за кономска и социјална стабилност и развој;
- политиката на цените и платите;
- трудот и социјалната сигурност;
- колективното договарање и колективните договори;
- животниот стандард;
- вработувањето;
- работните услови и заштита на работа;
- здравствена заштита,
- образованието, културата и стручното оспособување;
- финансиско-кредитната и днаочната политика;
- пензиското и инвалидското осигурување
- социјалната и детска заштита.
Покрај наведеното, Советот:
- го поттикнува мирното решавање на колективните работни спорови;
- учествува во координирањето на работата на социјалните партнери во соработка со Меѓународната организација на трудот и други меѓународни европски институции кои се занимаваат со трипартитниот дијалог на национално ниво и примената на меѓународните конвенции од областа на трудот;
-ги развива механизмите на трипартнина соработка меѓу Владата, Синдикатот и Стопанската комора во решавањето на економските и социјалните прашања и проблеми.
Член 4
Владата, министерствата и другите органи задолжително ги разгледуваат предлозите на Советот и на соодветен начин повторно го информираат.
Советот може по своја иницијатива да дава мислења и предлози за одделни прашања од економско-социјалната сфера до Собранието и Владата на Република Македонија и други надлжни органи.
За одделни прашања, Владата министерствата и другите органи можат да бараат мислење од Советот.
Состав на Советот
Член 5
Советот го сочинуваат 11 членови и тоа:
- 3 членови од Владата на Република Македонија;
- 3 членови од Сојузот на синдикатите на Македонија;
- 3 членови од Стопанската комора на Македонија; и
- 2 члена експерти кои ги избира Советот.
Мандатот на членовите на Советот трае 4 години.
Секој член на Советот има свој заменик
Експертите рамноправно учествуваат во работата на Советот.
Член 6
Покрај членовите на Советот, на седниците на Советот може да бидат поканувани и стручни и научи работници и претставници на други организации и институции, во зависност од дневниот ред.
Член 7
Советот има претседател и двајца заменици на претседателот.
Претседател на Советот е министерот за труд и социјална политика, кој е член на Советот на функција.
По еден заменик на претседателот се избира од редот на членовите на Советот од сојузот на синдикатите на Македонија и Стопанската комора на Македонија.
Член 8
Претседател на Советот:
- го претставува и застапува Советот пред надлежните органи и јавноста;
- ги свикува седниците на Советот, предлага дневен ред и раководи со работа на Советот;
- ја координира и усогласува работата на работните тела на Советот.
Сите овластувања на претседателот на Советот во случај на негова спреченост и имаат неговиет заменици.
Член 9
Советот има секретар.
Секретар на Советот е лице од Мнистерството за труд и социјална политика определено од министерот за труд и социјална политика.
Начин на работа на Советот
Член 10
Советот работи на седници.
За работа на Советот е потребно присуство на 2/3 од членовите на Советот и тоа најманлку по двајца од учесниците во Спогодбата и еден од експертите.
Поблиски одредби за начинот на работа и одлучувањето на Советот по конкретно се утврдуваат со деловник за работа на Советот.
Член 11
За одделни прашања, Советот може да формира постојани или повремени работни тела на Советот, што поблиску се утврдува со деловникот за работа на Советот.
Член 12
Стручните и административно-техничките работи за потребите на Советот и работните тела се извршуваат во Министерството за труд и социјална политика.
Завршни одредби
Член 13
Оваа спогодба влегува во сила од денот на нејзиното склучувања.
Спогодбата се објавува во ,,Службен весник на Република Македонија,,.
Бр.23-3671
30 декември 1996 година
Скопје
Стопанска комора на Сојуз на синдикатите Влада на Република
Македонија на Македонија Македонија
Претседател, Претседател, Претседател,
Душко Петрески,с.р. Живко Толевски,с.р Бранко Црвенковски,с.р.
|